Դանիացին դարձել է բիոձեռքի աշխարհում առաջին կրողը

Դանիացի Դենիս Աբոն, ով հրդեհի արդյունքում կորցրել էր ձեռքը, դարձել է աշխարհում առաջին բիոպրոթեզի կրողը, որը շոշափական զգայությունները հաղորդում է գլխուղեղին:

Հաղորդվում է, որ իտալացի վիրաբույժները կարողացել են միացնել արհեստական մանիպուլյատորի սենսորային ընկալիչները հիվանդի ուսի նյարդային վերջույթներին, ինչը թույլ կտա սարքին ու գլխուղեղին ազդանշաններ փոխանակել:

Աբոն ասում է, որ այժմ բիոձեռքի միջոցով նա կարող է առանց նայելու որոշել առարկաների ձեւն ու կարծրությունը:

Գիտնականների խոսքով՝ նրանց հայտնագործությունը կարող է շուկայում հայտնվել մոտ հինգ տարի անց, սակայն սկզբում նրանք պետք է կատարելագործեն բիոձեռքի մանիպուլյատիվ կարողություններն ու շարժումների հստակությունը, հաղորդում է BBC Ռուսական ծառայությունը:

Հարցեր, պատասխաններ, մեկնաբանություններ